İstanbulda dünən səhərdən etibarən güclü qar yağmağa başlayıb. ''Qalatasaray''ı cümə axşamı Avropa Liqasının pley-offunda ''Alkmaar''a qarşı cavab oyunu gözləyir.

Güclü qar fonunda ''Qalatasaray''ın ''Rams Park''ın ot örtüyünü örtməməsi diqqət çəkib. Bu məqam sosial şəbəkələrdə fanatlar arasında müzakirələrə səbəb olub. Amma məlum olub ki, ''Alkmaar''ın yerli vaxtla saat 21.30-da bu stadionda məşqi olduğundan ot örtüyünün üzərinə heç nə örtülməyib.

Örtüyün meydana salınması asan proses deyil. Məşqdən öncə örtüyün sərilməsi, sonra da məşq zamanı götürülməsi ot örtüyünə mənfi təsir edə bilərdi. Stadionun işçiləri niderlandlıların məşqinin ardından lazımi örtüyü örtəcək. Örtük oyunun başlama saatına qədər orda qalacaq. Klub rəsmiləri bu şəkildə meydanın oyundan öncə yaxşı durumda olacaqlarını düşünürlər. Oyundan sonra ota lazımi qulluq ediləcək və yenə də örtüklə ötürüləcək.

Həmin örtük ordan bir də ''Fənərbaxça'' ilə bazar ertəsi baş tutacaq oyundan öncə götürüləcək. ''Alkmaar''la oyun vaxtı İstanbulda qar yağışının davam edəcəyi gözlənilir.

ƏLİ