“Səbəbin nədən ibarət olduğunu demək çətindi. Fakt odu ki, komanda yaxşı oyun göstərə bilmir. Bir var mübarizə aparasan, amma məqsədə çata bilməyəsən. Bir də var belə ruhsuz çıxış edəsən. Futobl komanda oyunudu. Bu üzdən hansısa futbolçuları günahlandıra bilmərəm. Məncə, elə Vaqif Cavadovun da günahı yoxdu. Ona daha uzun müddət şans verilməlidi. İnanıram ki, növbəti oyunlarda fərqli “Sumqayıt” görəcəyik. Komandanın premyer-liqanı tərk etmək təhlükəsiylə üz-üzə qalacağını düşünmürəm. Baş məşqçimiz ilk dəfə premyer-liqada çalışır. Yeni gəlib. İndidən onun haqda mənfi fikir səsləndirmək məqsədəuyğun olmaz. Ümid edirəm ki, növbəti mövsüm daha inamlı təsir bağışlayacaq. Bundan sonrakı şanslara gəlincə, komandanın avrokuboklara yollanmasını istəyirik. Bunu kubok yoluyla bacarmaq olar. Ümidimiz var”.

“Oyunlara gələn hər kəs azarkeş deyil. Elə futbolsevərlər var ki, sadəcə, oyunu izləməyə, istirahət etməyə gəlir. Amma komandanın 8 oyundu qələbə qazanmadığını görəndə gəlmək istəmir. Belədə tribunada az adam olur. Komanda ən pis halda qol sevinci yaşatmalıdı ki, stadiona gələn futbolsevərin sevgisini qazansın, o da hər matçda tribunaya ümidli gəlsin”.