“Vaqif Cavadovun böyük təcrübəsi olmasa da, öyrənməyə açıq olan məşqçilərimizdəndi. Böyük komanda ilə işləməklə bağlı ilk təcrübəsidi. Prinsipcə uğur qazana bilər. Düşünürəm ki, məşqlərin təşkilində və oyunçularla kommunikasiya qurmaqda böyük çətinlikləri yoxdu. Kubokda “Sabah” və “Qarabağ” kimi komandaları kənarlaşdırmaq üçün, güclü heyətə malik olması lazımdı. Düşünürəm ki, Vaqif Cavadovun uğuru edəcəyi transferlərdən asılı ola bilər. Bu heyəti qorusalar, kubokda çətin olacaq. Çempionatda yüksək yerlər uğrunda mübarizə aparmaq indidən çətindi. Kubok elədi ki, az oyunla nəticə əldə edə bilirsən. Hər halda, “Sumqayıt” kimi komanda üçün kubokda uğur qazanmaq daha rahatdı. Amma “Qarabağ”la “Sabah”ı adlamaqdan ötrü transferə ehtiyacı var. Hazırda olan futbolçularla “Sabah” və “Qarabağ”la rəqabət aparmaq onlar üçün asan olmayacaq”.