“Vaqif müəllim mövzuya emosional yanaşıb. Matçdan sonra onunla söhbət edib problemi yoluna qoyduq. “İstefa” şüarları bizim fanklub tərəfindən yox, əyləşdiyimiz tribunanın yaxınlığındakı sıravi azarkeşlər tərəfindən səsləndirildi. Ümumiyyətlə, bu mövzunun bizə aidiyyatı yoxdu. Vaqif Cavadovun nə günahı var ki?! Vaqif müəllim Samir Abasovun acınacaqlı duruma saldığı komandanı düzəltməyə çalışır. Nəticələrin məsuliyyəti birbaşa sabiq baş məşqçinin üzərindədi. Komandanı o formalaşdırdı, sonra da 1-ci dövrəni bərbad keçirib klubdan ayrıldı. “UltraSumqayıt”ın məqsədi Vaqif Cavadova dəstək olmaqdı. Onun yanında olacağıq ki, kollektiv özünü tək hiss etməsin, yaxşı oynayıb turnir cədvəlinin yuxarı pillələrində qərarlaşsın. “Sumqayıt” yeni baş məşqçisiylə ilk oyununda 0:4, 0:5 hesabıyla da uduzsa, “istefa” deməyəcəkdik”.