“Turan Tovuz”un addəyişmə prosesiylə bağlı işlərə başladığını bilirsiz. İş orasındadı ki, tarixi adını – “Turan”ı bərpa etmək istəyən klub işləri yarıda saxlayıb. Daha doğrusu, məsələ mövsümün sona qədər ertələnib.

“Football-plus.az”ın əldə etdiyi məlumata görə, burda ortaya çıxan hansısa problem yoxdu. Sadəcə, klub işi riskə atmaq istəməyib. Ona görə ki, UEFA qaydaları yetərincə sərtdi. Bu barədə UEFA-ya müraciət daxil olubsa, sənədlər son verilmə tarixinə qədər təqdim olunmalıdı. Əks halda, klubun mövcud lisenziyası belə təhlükə altına düşə bilər.

Martda xeyli istirahət gününün olduğunu nəzərə alan “Turan Tovuz” rəsmiləri sənədləri vaxtında təhvil verməkdən ötrü daha məqsədəuyğun vaxt seçimi edib və prosesi bir qədər ertələməyə qərar verib.

Hər halda, klub adını dəyişməkdə israrlıdı və tezliklə istəyinə çata bilmək üçün lazımi prosedurları həyata keçirəcək. Bu barədə saytımıza “bozqurd”un mətbuat xidmətinin rəhbəri Süleyman Tağıyev məlumat verib: