“Turan Tovuz”un tarixi adını – “Turan”ı bərpa etmək niyyətində olduğunu yazmışdıq. Xüsusilə tovuzlu azarkeşlər prosesin yeni mövsümün startına qədər yekunlaşmasını arzulayır. Lakin bu məsələylə bağlı problem ortaya çıxıb.

Daha doğrusu, klubun İdarə Heyətinin sədr müavini, infrastruktur və maliyyə üzrə direktoru Əli Balakişiyev saytımıza açıqlamasında prosesin tezliklə yekunlaşmayacağını, bunun üçün uzun müddət vaxt tələb olunduğunu dedi.

“Football-plus.az” mövzuyla bağlı AFFA-nın da mövqeyini öyrənməyi lazım bildi. Belədə qurumun Mətbuat və İctimaiyyətlə Əlaqələr Departamentinin rəhbəri Elnur Məmmədlidən gözlənilməz cavab gəldi.

Sən demə, klub özü prosesin cari mövsümün sonuna qədər ertələnməsini istəyib.

Maraqlıdı, görəsən, “Turan Tovuz”da nədə ilişib?

KƏNAN BAHADIR