“Razıyıq ki, son oyunlarda nəticə baxımından əvvəlki kimi deyilik. Lakin oyun keyfiyyətində nəsə dəyişməyib. Müəyyən çatışmazlıqlar hiss olunsa da, rəqiblərdən geri qalmırıq. Komanda birinci və ikinci dövrədə göstərdiyi oyunu oynayır. Nəzərə almaq lazımdı ki, qış fasiləsi yeni bitib. Komandalar “transfer pəncərəsi” dövrünə heyətini gücləndirib. Həm premyer-liqada, həm də ölkə kubokunda gərgin mübarizənin içindəyik. Bu nəticələr müvəqqətidi. Futbolçuların oyundan-oyuna daha yaxşı nəticələr qazanıb hədəfə çatacağına inanırıq. Komandada hansısa böhran görmürük. Belə deyim var: oyun varsa, nəticə də olacaq. İnanırıq ki, qarşıdakı matçlarda bu məsələlər arada qalxacaq. “Araz-Naxçıvan”da əhval-ruhiyyə yüksəkdi. Hədəfə köklənmişik. Klubun ümumi fəaliyyətiylə bağlı çatışmazlıq yoxdu. Qalan məsələlər isə zamanla düzələcək. Məşqçilər korpusu lazımi təhlilləri aparır”.