“Son oyunlara görə “Neftçi”ylə bağlı yalnız müsbət fikirlər səsləndirmək olar. Komanda son üç oyunda heyətdə daha çox yerli futbolçulara üstünlük verib. Azərbaycanlılar kollektivə əvvəlki “Neftçi” ruhunu qaytarıb. Meydanda əzmkar, döyüşkən və istəkli komanda görürük. Futbolçular klubun çəkisini hiss etməyə başlayıb. “Neftçi” bu cür davam etsə, daha yaxşı olacaq. İnam xeyli artıq. Bunu təqdirəlayiq iş sayıram. Komanda bu il daha çox ölkə kubokuna köklənməli və avrokuboklara vəsiqə qazanmağa çalışmalıdı. Çempionatda ilk “dördlüy”ə düşmək çətin məsələdi. Premyer-liqa matçlarında gənc və yerli oyunçulara şans vermək lazımdı. Belədə onlar daha da püxtələşəcək. İndi Samir Abasov növbəti mövsüm döyüşə kimlərlə qoşulacağını müəyyənləşdirməlidi”.