“Şəkidə danışıqlar yekunlaşmaq üzrədi” – FİF bölgə klublarıyla layihəyə başlayır
FİF-in icraçı direktoru Tural Piriyev qurumun qarşıdakı müddət ərzində reallaşdırmaq istədiyi layihələrlə bağlı planlardan danışıb.
O, “Football-plus.az”a açıqlamasında bölgə təmsilçiləriylə bağlı yeni işlər görmək niyyətində olduqlarını bildirib:
“Bölgələrdəki vəziyyətlə yaxından maraqlanırıq. Region təmsilçiləriylə bağlı sponsor danışıqlarımız var. Əsasən, “biznes-klub” layihəsi ilə bağlı Şəkidə danışıqlar yekunlaşmaq üzrədi. Qısa zamanda məlumat paylaşacağıq. Əlavə olaraq, iki bölgədə bu layihəylə bağlı danışıqlar var. Bu həftə Şəmkirdə İcra Hakimiyyətinin dəstəyi ilə bölgədən olan sahibkarlarla geniş tərkibdə görüşümüz baş tutacaq. Bundan başqa, yaxın günlərdə üç bölgə klubuyla birgə daha geniş ictimaiyyəti əhatə edən layihəmiz start götürəcək”.
KƏNAN BAHADIR
Digər xəbərlər
