İngiltərə premyer-liqasında dünən 15-ci turdan təxirə salınan ''Everton'' - ''Liverpul'' oyunu keçirildi. Bu, ''Qudison Park''dakı son derbi kimi tarixə düşdü.

Gələn mövsümdən etibarən ''Everton'' yeni stadionda oynayacaq. İnamla turnir cədvəlinə başçılıq edən ''Liverpul'' qələbəyə yaxın olsa da, Tarkovski əsas vaxta əlavə olunmuş 8-ci dəqiqədə fərqlənməklə meydan sahiblərini məğlubiyyətdən xilas etdi.

''Liverpul''lular final fitindən sonra hakim Maykl Oliverə etirazlarını bildirdilər. Onların iddiasına görə hakim oyunu daha tez başa vurmalı idi.

Həqiqətən də oyunun əsas vaxtına 6 dəqiqə əlavə olunsa da, ''Everton'' qolu 90+8-ci dəqiqədə vurdu. ''Liverpul''un çalışdırıcısı Arne Slot isə hakimə yaxınlaşıb onun əlini sıxdıqdan sonra qarşısında birbaşa qırmızı vərəqə gördü!

Maykl Oliver niderlandlı mütəxəssisə onun əlini sərt və aqressiv şəkildə sıxdığı üçün qırmızı vərəqə göstərdi.

''Qırmızı''dan sonra qısa müddətli şok yaşayan Slot Oliverə hərəkətinin sərt olmadığını anlatmağa çalışsa da, təcrübəli hakimin qərarı dəyişmədi.

ƏLİ