Həftəsonu Türkiyənin 1-ci liqasında 19-cu turun oyunları keçirildi.

“Football-plus.az” xəbər verir ki, ''Gənclərbirliyi'' ilə ''Sakaryaspor''un duelində yaşıl meydanlarda nadir hallarda rastlanan bir olay yaşandı. Tuncay Şanlının çalışdırdığı Sakarya təmsilçisi bu görüşdə ikinci hissənin əvvəllərində hesabı açsa da, sonradan 3 qol buraxaraq məğlub oldu. Final fitinin ardından isə ''Sakaryaspor''un yarımmüdafiəçisi Murat Cem Akpınar hakim İlker Yasin Avcıya yaxınlaşaraq əlini ona uzatdı. Hakim təbii ki, futbolçunun ona təşəkkür etmək istədiyini düşündü və o da öz növbəsində əlini uzatdı. Amma Murat birdən-birə fikrini dəyişərək hakimin əlini sıxmaqdan imtina etdi. Futbolçu sadəcə çevrilərək çıxıb getdi. Onun bu addımı ədalət təmsilçisinin xoşuna gəlmədi. Özü də Murat Cem Akpınarın artıq bir sarı vərəqəsi var idi. Bu hərəkətdən sonra isə hakim ona əvvəlcə ikinci sarı vərəqə, sonra da qırmızı vərəqə göstərdi! Beləcə bu yersiz hərəkətinə görə futbolçu növbəti tur üçün cəzalı duruma düşdü.

ƏLİ