“Şamaxı” “Kəpəz”lə “Səbail”dən bunda üstündü” – elitadan kim edəcək?
Dünən Misli premyer-liqasında 22-ci tura yekun vuruldu.
Turun son oyununda “Qarabağ” “Səbail”i darmadağın etdi (5:0). Hazırda “Şamaxı” 20 xalla 8-ci, “Kəpəz” 18 xalla 9-cu, “Səbail” isə 16 xalla sonuncu pillədə qərarlaşıb. Qış fasiləsindən sonra 4 oyun keçirilib. Bu matçlara nəzər yetirsək, “Şamaxı” 3, “Kəpəz və “Səbail” hərəyə 7 xal əldə edib.
Görəsən, bu üç komandadan hansının elitadan düşmək ehtimalı çoxdu? Bu sualı təcrübəli mütəxəssis Aslan Kərimova ünvanladıq:
“Hər üç komanda elitada qalmaq uğrunda ölüm-dirim mübarizəsi aparır. Kimin tərk edəcəyini mən indidən deyə bilmirəm. Üç komandadan elə birisi yoxdu ki, başqalarına nisbətən çox zəifdi. “Kəpəz” “Turan Tovuz” kimi komandaya 5 qol vurur. “Şamaxı” da yaxşı mübarizə aparır. Çempionatın sonuna doğru hansısa komanda geridə qala bilər. İnanmıram ki, indi hansısa mütəxəssis elitadan kimin gedəcəyini təxmin edə bilsin. Hər üç komanda da mübarizə aparır və demək olar ki, potensialları eynidi. Bəlkə “Şamaxı” rəqiblərini öz meydanında qəbul edir deyə bir az üstündü. Amma bu da çox cüzi üstünlükdü”.
ƏSƏD SEYİDOV
Digər xəbərlər
