“Səbail” qələbəyə layiq idi"
Ötən tur “Turan Tovuz”u darmadağın edən “Kəpəz” şənbə günü “Səbail”ə minimal hesabla uduzdu. Bu məğlubiyyət “Kəpəz”i sonuncu pilləyə yuvarladı.
“Dənizçilər” gəncəliləri geridə qoysalar da, komandalar arasında xal fərqi 1-ə bərabərdi.
Görəsən, “Kəpəz” “Səbail”ə qarşı niyə zəif oynadı? Bəlkə “Turan Tovuz” üzərindəki qələbə onlarda eyforiya yaradıb? Bu sualları təcrübəli mütəxəssis Arif Əsədova ünvanladıq:
“Kəpəz”in “Turan Tovuz” üzərindəki qələbədən sonra eyforiyaya qapıldığını düşünmürəm. “Səbail” yaxşı oyun göstərdi. Artıq bu təsadüf deyildi. Komanda ötən tur Sumqayıt səfərində də yaxşı oyun nümayiş etdirmişdi. “Səbail”ə bir qədər inam gəlib. “Kəpəz”də yaxşı bilirdi ki, bu, 6 xallıq bir oyundu. Burda hansısa boşluqdan söhbət gedə bilməz. Belə oyunlarda hansı komanda tez qol vurursa, o da üstünlük əldə edir. “Səbail” qələbəyə layiq idi”.
ƏSƏD SEYİDOV
Digər xəbərlər
