Medvedev çıxış yolunu məşqçi ilə vidalaşmaqda gördü
Fevralın 12-26-sı aralığında keçirilən “Australian Open” Daniil Medvedev üçün uğursuz oldu. 28 yaşlı tennisçi artıq 2-ci mərhələdə dünyanın 121-ci raketkası, amerikalı Lerner Tinə uduzmaqla mübarizəni dayandırmışdı.
2023-cü ilin martından bəri ilk dəfə reytinqdə ilk “5-liy”i tərk edən rusiyalı çıxış yolunu məşqçi Jil Simonla əməkdaşlığı dayandırmaqda görüb:
“Jillə əməkdaşlığı dayandırmağa qərar verdim. Çox yaxşı təcrübə idi, ancaq bu andan bəri Jil Servara ilə birgə çalışacağıq. Simonla əməkdaşlıq istədiyimiz kimi alınmadı, xüsusən də nəticə planında. Titullar, “Böyük dəbilqə” turniri və buna bənzər başqa uğur qazanmadım, ancaq tennislə bağlı çoxlu yeni şey öyrəndim. Bunun gələcəkdə mənə faydasının dəyəcəyinə əminəm”.
2024-cü ilin fevralından Medvedevlə çalışan Simon da birgə işə görə ona minnətdarlıq edib:
“Bu bir ildəki işə görə Daniilə və bütün komanda üzvlərinə təşəkkür edirəm. Çox gözəl, maraqlı təcrübə idi, yalnız xoş xatirələrim var. Hədəflərinizə çatmaq yolunda hər şeyin ən yaxşısını arzulayıram”.
Digər xəbərlər
