Medvedev “Böyük dəbilqə”ni Olimpiadadan üstün tutur
Rusiyalı tennisçi Daniil Medvedevin fikrincə, “Böyük dəbilqə” seriyasından olan turnirlər Olimpiya Oyunlarından vacibdi.
Xatırladaq ki, ispaniyalı Karlos Alkaras bir neçə gün əvvəl bu il “Böyük dəbilqə” turnirlərini qazanmağı yox, Paris Olimpiadasında titula yiyələnməyi üstün tutduğunu demişdi. Medvedev həmkarının sözünə görə təəccüblənib. Onu da əlavə edib ki, Tokio Olimpiadasındakı məğlubiyyətə görə məyus olsa da, “Böyük dəbilqə” turnirlərini tennisdə daha vacib sayır:
“Olimpiada çox vacib turnirdi, mənə elə gəlir ki, hər kəs onu qazanmağı arzulayır. Ancaq hesab edirəm ki, “Böyük dəbilqə” turnirləri üstünlüyə malikdi və tennisdə daha önəmlidi”.
Xatırladaq ki, Medvedev Yaponiyada keçirilən son Olimpiadada 1/4 finala qədər irəliləmiş və həmin mərhələdə ispaniyalı Pablo Karrenyo Bustaya uduzmuşdu (3:6, 6:7 (5:7). Almaniya təmsilçisi Aleksandr Zverev çempion olmuşdu. Medvedev karyerası boyunca 6 dəfə “Böyük dəbilqə” finalnda oynayıb və bunların yalnız birində (US Open-2021) qələbə qazanıb.
Digər xəbərlər
