Frenki de Yonqun “Barselona”nı mövsümün sonunda tərk edəcəyi çoxdan iddia edilir.

Amma o, komandada qala bilər. Bunu “Barselona”nın baş məşqçisi Hans-Diter Flik istəyir. Sport.es portalının yaydığı məlumata görə, alman mütəxəssis rəhbərlikdən 27 yaşlı yarımmüdafiəçi ilə müqaviləni yeniləməyi xahiş edib.

Niderlandlı futbolçunun komandada qalması Flikin “Barselona” ilə müqavilə bağlayarkən irəli sürdüyü bir neçə şərtdən biri olub. 59 yaşlı məşqçi De Yonqu dünyanın ən güclü yarımmüdafiəçilərindən biri hesab edir və onun potensial gedişinin komandanı zəiflədəcəyini düşünür.

Frenki komandada 2019-cu ilin yayından oynayır. Onun müqaviləsinin müddəti 2026-cı ilin yayına qədər nəzərdə tutulub.