Ronald Arauxo “Barselona”da daha uzun müddət çıxış edə bilər. Klubu onunla müqaviləni yeniləməyi planlaşdırır.

“Marca” qəzeti idman direktoru Deku Souzanın bu həftə onunla görüşəcəyini xəbər verib. Rəhbərlik müdafiəçi ilə müqavilənin müddətini 2029-cu, ya da 2030-cu ilə qədər artırmaq istəyir. Ronaldın mövcud sözləşməsi 2026-cı ilin yayında qüvvədən düşəcək.

Amma Frenki de Yonqun mövsümün sonunda “Barselona”dan ayrılmaq ehtimalı qalır. Rəhbərliyin yeni müqavilə təklifini geri çevirən yarımmüdafiəçi Fransada qərar tuta bilər. “Diario Sport”un yaydığı xəbərdə niderlandlı futbolçunun PSJ-nin maraq dairəsində olduğu bildirilib. Frenkinin də “Barselona”dan ayrılmaq istədiyi qeyd edilir.