Neymarın 12 illik həsrəti sona çatdı

Neymarın 12 illik həsrəti sona çatıb.

O, uzun müddətdən sonra Braziliya klubu ilə ilk oyuna çıxıb. Ulduz futbolçu Paulista liqasında “Botafoqo” ilə matçda iştirak edib. Neymar 1:1 hesabı ilə başa çatan matçın 46-cı dəqiqəsində komandası hesabda öndə olarkən meydana çıxıb.

Qeyd edək ki, “Santos”un yetirməsi olan Neymar 2009-13-cü illərdə bu klubun əsas komandasında çıxış edib. O, sonra “Barselona”, PSJ və “Əl-Hilal”da oynayıb. Hücumçu “Əl-Hilal” ilə müqaviləsini yanvarın sonunda pozmuş və doğma klubuna qayıtmışdı.