Neymar klubunu tezliklə dəyişmək istəyir.

O, “Əl-Hilal” ilə müqaviləsini 2025-ci ilin yanvarında ləğv etmək istəyir. Bir neçə gün əvvəl Neymarın yenidən zədələnməsi səbəbindən daha 4-6 həftə oynamayacağı məlum olub. Qeyd edək ki, hücumçu eyni səbəbdən bir ildən çox müddətdə yaşıl meydandan kənarda qalıb.

“Goal” nəşri 32 yaşlı braziliyalının yetirməsi olduğu “Santos”a qayıtmağı düşündüyünü xəbər verib.

Xatırladaq ki, Neymar 2013-cü ilin iyul ayına qədər “Santos”da çıxış edib, sonra “Barselona”ya keçib. O, 2023-cü ilin avqustundan “Əl-Hilal”da oynayır. Braziliyalı Səudiyyə Ərəbistanı klubunda 7 oyun keçirib, 1 qol vurub və 3 məhsuldar ötürmə edib.