Neymar doğma klubunun azarkeşlərini ümidləndirib.

“Football-plus.az” xəbər verir ki, uzun müddətdi zədəli olan ulduz futbolçu “Santos”un “Palmeyras”la matçını stadiondan izləyib. “Əl-Hilal”ın hücumçusu oyundan əvvəl “Santos”un paltardəyişmə otağına gedib. 31 yaşlı Neymar futbolçularla söhbətləşərkən doğma klubuna dönəcəyinə söz verib. İddiaya görə, o, bu addımı hazırkı klubu ilə müqaviləsinin müddəti başa çatdıqdan sonra atacaq.

Braziliyalı futbolçunun Səudiyyə Ərəbistanı klubu ilə müqaviləsinin müddəti 2025-ci ilin yayına qədərdi. Başqa sözlə, gələn yay “Santos”a qayıda bilər. Qeyd edək ki, Neymarın vətənə qayıtmaq niyyətində olduğu barədə məlumatı matçdan sonra “Santos”un rəsmi nümayəndəsi də təsdiqləyib.