“Talişka 5-6 ildi Səudiyyə Ərəbistanındadı. “Beşiktaş”da istedadının şahidi olmuşduq. Futbolu izləyən bir şəxs kimi onun Avropada olmasını istərdim. Amma özünə belə yol seçdi və qərarına hörmətlə yanaşmalıyıq. Yenə də “Fənər”ə gəlsə, faydalı olacağını düşünürəm. “Qalatasaray” son illərdə çox inamlı görünür, inkişaf etməkdədi. “Beşiktaş” son çempionluğun ardından bir qədər sıxıntılı dönəmə girdi. Komanda indi yenidən özünəinamı bərpa etməyə çalışır. Van Bronkhorst yaxşı seçimdi. “Beşiktaş”lılar dişlərini sıxıb bir qədər səbrli olmalıdılar. Gözəl şeylərə nail olmaq üçün səbr çox önəmlidi. Mövsüm davam edir və qışda heyəti gücləndirəcəklərini düşünürəm. Komandanın qət edəcəyi hələ çox yol var. Van Bronkhorsta mütləq zaman verilməlidi. Osimhen əla futbolçudu, inanılmaz istedada malikdi. Türkiyə belə bir futbolçuya sahib olduğu üçün sevinməlidi. Türkiyə Osimhen üçün karyerasının sonrakı mərhələsini inşa etmək baxımından çox yaxşı bir platformadı. Amma yavaş-yavaş gələcəyi ilə bağlı qərar verməlidi. “Qalatasaray”da qalacağını, yoxsa başqa kluba gedəcəyini özü üçün müəyyənləşdirməlidi. Mertensin “Qalatasaray”dakı performansını bəyənirəm. Düzdü, Türkiyəyə gəlişindən sonra ilk vaxtlar onu tənqid etmişdim. Bizim Falkao ilə birlikdə oynadığımız dönəmdə “Qalatasaray” gənc oyunçulara üstünlük verməyə başlamışdı. Amma vaxt ötdükcə yaşlı futbolçulara yönəldilər. Hər halda, “Qalatasaray” çempion olursa, deməli, verilən qərarlar doğrudu”.