Son günlərin ən gözlənilməz xəbərlərindən biri Kataloniyadan gəlib.

Sport.es nəşri Pep Qvardiolanın 30 illik ailə həyatının ardından xanmı Kristina Serradan ayrıldığını yazıb. Maraqlıdı, belə uzunmüddətli ittifaq nədən çat verdi?

Belə məlum olur ki, Peplə Kristina hələ ötən ilin dekabrında ayrılmağa qərar verib. Ancaq cütlük yaxınlarından bu haqda danışmamağı xahiş edib. Məhz bu üzdən ayrılıq xəbəri yalnız yanvarda mediaya sızıb.

Ayrılığın səbəbləri məxfi saxlanılır. Ancaq “Mançester Siti”nin baş məşqçisi artıq 5 il idi xanımı ilə yaşamırdı. Onun İngiltərədə çalışdığı dövrdə Kristina müntəzəm Londonla Barselona arasında get-gəl edib. Xanımın öz biznesi var, Qvardiola futbola necə vurğundusa, Serra da iş dünyasına o dərəcədə maraq göstərir. Boşanmalarına baxmayaraq, onlar dostluq münasibətlərini qoruyurlar. Bəzi əcnəbi paparatsilər Peplə Kristinanı ayrılandan sonra birlikdə teatrda gördüklərini iddia edirlər.

Qvardiola ilə Serranın birgəliyi dünya futbolunda ən möhkəm nigahlardan sayılırdı. Onlar 30 ildən də əvvəl tanış olub. Onda Pep “Barselona”da oynayırdı, Kristina isə geyim dükanında satıcı-məsləhətçi kimi çalışırdı. İndi Serra məşhur biznesvumendi, Kataloniyada və Manresdə dəbdə olan butikləri var.

Məhz Kristina həyat yoldaşının imicinə və geyim üslubuna təsir göstərib. Yəni Qvardiolanın dünyada dəbə xüsusi diqqət yetirən məşqçi kimi tanınması sabiq xanımının xidmətidi. Svitşot, şalvar, şərf və “keta” – bütün bu elementlər Serranın sərt yoxlamasından keçirdi. MS-nin baş məşqçisi ötən ilin yanvarında jurnalistlərə belə demişdi:

Kristina və Pep birlikdə nadir hallarda ictimaiyyət önünə çıxıblar, heç vaxt böyük ailə müsahibələri verməyiblər. Cütlüyün üç övladı var – oğul Marius və Mari və Valentina adlı iki qız. Valideynlər 20 il münasibətləri rəsmiləşdirməyə ehtiyac duymayıb, yalnız 2014-cü ildə nigah masasına oturublar.

Həmin vaxt Mariusun artıq 13 yaşı var idi. Kristina tam futbol vurğunu olan Pepdə incəsənətə - teatra, kinoya, hə, bir də yaxşı şəraba maraq oyatmışdı. Qvardiola da öz növbəsində xanımını incə şəkildə futbol məsələlərinə qoşurdu, hərçənd bəzən buna görə heyifsiləndirdi:


Kataloniyalı mütəxəssis daim Kristinaya heyranlıq duyub, o da eyni qarşılığı verib. O da məlumdu ki, Pep 2012-ci ildə “Barsa”dan ayrılanda Serra ona Nyu-Yorka köçməyi, sakit həyat sürməyi təklif edib. Məhz bu qərar sayəsində Pep bir müddət dinclik tapıb, uşaqları isə ingilis dilini öyrənib.

İndi fanatlar özləri üçün bu suala cavab tapmağa çalışırlar: Kristinadan boşanmaq Pepin həyatı yenidən gözdən keçirmək və ruhlanma mənbəyi tapmaq üçün yeni cəhdi olmayacaq ki? Bir halda ki, ünlü baş məşqçinin “Mançester Siti”dəki işləri son vaxtlar heç də yaxşı getmir...