Azad agent statusu qazandı

Fode Ballo-Ture azad agent statusu qazanıb.

“Milan” futbolçusu ilə yollarını ayırıb. İtaliya klubunun rəsmi saytının məlumatına görə, 28 yaşlı seneqallı müdafiəçinin müqaviləsinə qarşılıqlı razılıq əsasında xitam verilib. Fode 2024-ci ilin iyul ayından milanlıların əvəzedici komandasında çıxış edib və 3 oyunda meydana çıxıb.

Qeyd edək ki, Ballo-Ture ötən mövsümün sonunda “Fulhem”dən icarədən qayıtmışdı. Onun “Milan”a 2021-ci ildə “Monako”dan transfer olunduğunu da xatırladaq.