Premyer-liqada 20-ci turun “Liverpul” – “Mançester Yunayted” oyunundan əvvəl əfsanəvi futbolçulardan Ceymi Karrager ilə Hari Nevill mübahisəyə girişib. İngiltərə futbolunun əzəli-əbədi mövzusunda.

"Football-plus.az" xəbər verir ki, söhbət “Liverpul”un, yoxsa “Yunayted”in daha böyük klub olmasından gedib.

Karrager: “Necə düşünürsən, hansı klub daha böyükdü?”
Nevill: “MY “Liverpul”dan böyükdü”.

Karrager: “Sən bunu necə müəyyənləşdirdin?”
Nevill: “Çox müxtəlif yollarla”.

Karrager: “Birini mənə de”.
Nevill: “Premyer-liqada çempionluq sayı”.

Karrager: “Okey, bəs beynəlxalq titullar?”
Nevill: “Deməli, sən, sadəcə, avrokuboklara keçməyə qərar verdin. Deməli, bunlar sənin silahındı”.

Karrager: “Liverpul” istəsə... “Yunayted” indi liqanı qazana bilər?”
Nevill: “Klubun miqyası, klubun çapı...”

Karrager: “Belə çıxır ki, “Liverpul” çempionluq sayında hesabı bərabərləşdirəcək – 20:20 olacaq”.
Nevill: “Mümkündü. Ancaq hələ ki belə deyil”.

Karrager: “Avrokubokları neçə dəfə qazanmısız?”
Nevill: “Üç dəfə”.

Karrager: “Bu çapda olan klub üçün ayıbdı”.
Nevill: “Kifayət deyil, ancaq “Mançester Yunayted”...”

Karrager: “Klubun yalnız iki uğurlu çalışdırıcısı olub: ser Mett Basbi və ser Aleks Ferqyuson. Mütləq əfsanədilər”.
Nevill: “Əfsanələr, nəhənglər!”

Karrager: “Şübhəsiz. Ancaq niyə bu monstrlar, nəhənglər özündən sonra irs qoymayıb?”
Nevill: “Onlar pionerdi!”

Karrager: “Onlar irs qoymayıb!”
Nevill: “Mançester Yunayted” irs qoymayıb?”

Karrager: “Ser Mett Basbidən bir neçə mövsüm sonra komanda elitadan getdi”.
Nevill: “Ser Mett Basbi və ser Aleks Ferqyuson özündən sonra irs qoymayıb? Çox ayıb səslənir”.

Karrager: “Sən qarışıqlıq yaratmağı xoşlayırsan”.
Nevill: “Bax, indi sən boş-boşuna danışırsan”.

Karrager: “Gəlib çatdıq. Bura gəl, buna bax”.

Bundan sonra “Liverpul”un sabiq müdafiəçisi “Enfild”in bütün klub titullarının yer aldığı divarını göstərib. Belə çıxır ki, Ceymi Karrager bu mübahisədə ən azı vizual cəhətdən qalib gəldi.