Nevill “İnter Mayami”dən qovuldu

Çoxdan gözlənilən hadisə baş verib: Filip Nevill “İnter Mayami”dən qovulub.

"Football-plus.az" xəbər verir ki, ingiltərəli mütəxəssisin ABŞ klubu ilə əməkdaşlığı təxminən 2 il 5 ay çəkib.

46 yaşlı mütəxəssis baş məşqçi vəzifəsinə 2021-ci il yanvarın 18-də təyinat almışdı. Nevillin vəzifəsindən azad edilməsinə komandanın cari mövsümdəki zəif çıxışı səbəb olub.

“İnter Mayami” hazırda MLS-in Şərq Konfransında 15 oyuna 15 xalla sonuncu – 15-ci yeri tutur. Yerli mənbələr rəhbərliyin qərarını həm də klubun Lionel Messini Amerikaya gətirmək planı ilə əlaəqələndirir.

Təsadüfi deyil ki, Nevill postundan məhz ulduz futbolçunun mövsümün sonunda PSJ-dən ayrılacağı ilə bağlı xəbərin yayılmasından sonra kənarlaşdırılıb.

Rəhbərlik “İnter Mayami”ni dünya çempionu üçün cəlbedici komanda etmək niyyəti ilə baş məşqçi vəzifəsinə tanınmış və titullu mütəxəssisin təyinatını vacib sayır.