“Bunu həmişə qəribə transfer hesab etmişəm. Bir il əvvəl Kriştiano Ronaldo ilə sonradan müddəti daha bir il uzatmaq şərti ilə ikiillik müqavilə bağladılar. Buna inanmağım gəlmirdi, ona görə ki, o, heç vaxt heç kim üçün “ikinci skripka” olmaq istəməyəcəkdi. Bilirsiz, karyeranın müəyyən məqamında əvvəlki oyunçu olmadığını anlayırsan. Ronaldonun futbolçu həyatı çox uzun alındı. Çünki o, çox peşəkardı. Amma indi 37 yaşındadı və mövsümün gedişində 38-i də arxada qoyacaq. Əla bombardirdi, amma artıq əvvəlki Kriştiano deyil. Səhv edə bilərəm, amma bildiyimə görə, indi Avropada heç bir klub Ronaldonu almaq istəmir. “Yunayted” bu səbəbdən ondan qurtula bilməyəcək. Məncə, Ten Haqdan soruşsalar, Ronaldonun ona lazım olmadığını deyəcək. Mən oyunçuların portuqaliyalı ilə birgə oynamaq istədiklərinə də əmin deyiləm”.