''Beşiktaş''da uzun müddət davam edən məşqçi axtarışları nəhayət, ötən həftə başa çatdı.

''Football-plus.az'' xəbər verir ki, baş məşqçi postuna Ole Qunnar Sulşer gətirildi. Maraqlıdı ki, Covanni van Bronkhorst ilə yolların ayrılmasından, daha dəqiq desək, dekabrın 2-dən bu yana müvəqqəti məşqçi funksiyasını icra edən Sərdar Topraktəpənin hələ də yeni dönəm üçün taleyinə aydınlıq gəlməyib.

İlkin mərhələdə belə qərara alınıb ki, Topraktəpə ilk 10 gündə, yəni Sulşer komandanı, oyunçuları tanıyana qədər onun köməkçisi vəzifəsini icra edəcək. Türkiyəli çalışdırıcı həm Avropa Liqasında ''Atletik''ə, həm də superliqada ''Antalyaspor''a qarşı oyunlara hazırlıq prosesində yaxından iştirak edərək Sulşerə yardım edəcək.

48 yaşlı məşqçinin gələcək taleyinə bu 10 günlük müddət tamam olduqdan sonra aydınlıq gələcək. Başqan Sərdar Adalının onunla təkbətək görüş keçirəcəyi və müzakirələr aparacağı gözlənilir. Yalnız bundan sonra yekun qərar veriləcək. Ən pis halda Topraktəpə yenidən akademiyada çalışmağa başlayacaq. Amma ona fərqli və sürpriz bir vəzifə veriləcəyi də istisna edilmir.

ƏLİ