''Prezident seçilsəm, ilk növbədə müvəqqəti olaraq baş məşqçi vəzifəsini icra edən Sərdar Topraktəpə ilə görüşüb fikirlərini öyrənəcəm. Sonra Sərgən Yalçın ilə görüşəcəm. Şərtlər uyğun olsa, təbii ki, birinci seçimim Sərgən olacaq. Amma uyğun olmasa, alternativ variantlara yönələcəm. Sərgəni tez-tez ''yutub''da Candaş Tolqa İşıkın verilişində qonaq qismində görürük. ''Beşiktaş'' haqda danışarkən bəzi şeyləri çox şişirdir. Onun sözləri fanatlarımıza da sirayət edir. Televiziyadakı Sərgən Yalçın ilə meydanın kənarındakı Sərgən Yalçın eyni deyil! Onunla yalnız yanvarda klubun başına keçməyə razılıq verəcəyi təqdirdə anlaşacağıq. Yenə maya qədər gözləmək istəsə, artıq hərə öz yolu ilə gedəcək. Bura ''Beşiktaş''dı! Topraktəpə yeni transferlərlə komandanı toparlamaq və nəticələri yaxşılaşdırmaq məsuliyyətini üzərinə götürsə, o zaman onunla yola davam edib mövsümün sonunda Sərgən ilə anlaşa bilərik. Yəni hər şey Topraktəpənin bizə verəcəyi raportdan asılı olacaq. Sərgənin mayda gəlmək fikri var və bunu da hər yerdə dilə gətirir. Mən isə bu komandanı ən qısa müddətdə ayağa qaldırmaq istəyirəm. Müdafiənin cinahında, hücumda sıxıntılarımız var. Ən azı 3-4 transferə ehtiyac duyuruq''.