Vaci indi vacib deyil
“Qarabağ”ın “Şamaxı”nı məğlub etdiyi oyundan sonra keçirilən mətbuat konfransında ağdamlıların baş məşqçisi Qurban Qurbanovun komandanın gözdən keçirdiyi sabiq oyunçuları arasında İbrahima Vacinin də adını çəkməsi maraqlı oldu.
Bəs Vaci indi “Qarabağ”a yararlı ola bilərmi? Bu sualı tanınmış menecer Tural Əsgərova ünvanladıq:
“Vaci son bir ildə 5 və ya 6 dəfə meydana çıxıb. Hazırda da zədəlidi”.
Araşdırma zamanı məlum oldu ki, 29 yaşlı seneqallı hücumçu son iki mövsümdə “Sent-Etyen”in heyətində cəmi 13 oyuna çıxıb, bir qol da vurmayıb. Belə biri “Qarabağ”ın nəyinə lazımdı?!
ƏSƏD SEYİDOV
