“Səbail” yeni şirkətlərlə əməkdaşlıq edir? - RƏSMİ AÇIQLAMA
Premyer-liqanın 22-ci turunda “Səbail” “Qəbələ”yə şok yaşatdı.
“Dənizçilər” “qırmızı-qaralar”ı 3:0 hesabı ilə məğlub etdi. Ümumiyyətlə, bu görüşdə Aftandil Hacıyevin komandasının qələbə qazanması gözlənilməz oldu. Oyunda diqqətimizdən qaçmayan bir məqam var idi. “ASCO Arena”da meydanın kənarında çeşidli bannerlər göz oxşayırdı.
“Suraxanı - gəmi-muzey”, “Sea news since 1931”, “YAGHT CLUB”, “KHAZAR Sailing Club” yazılı lövhələr gözümüzə dəydi. Görəsən, bu şirkətlərlə nə zaman əməkdaşlığa başlanılıb? Adı çəkilən şirkətlərin ASCO ilə əlaqəsi varmı? Suallarımızı klubun mətbuat xidmətinin rəhbəri Mehriban Mürsəlovaya ünvanladıq:
“Adı çəkilən şirkətlərin heç biri yeni tərəfdaş deyil. Lövhələr çox köhnəlmişdi və yenilənməyə ehtiyac var idi. O şirtkətlərin hamısı ASCO-nun tərkibindədi. Bu səbəbdən də meydanın kənarındakı reklam lövhələrində adları əksini tapıb”.
İLKİN SULTANLI
Digər xəbərlər
