“Real”ın hücumçusu Vinisius Juniorun bu ül üçün hədəflərindən biri məlum olub.

“Real” ilə bir sıra turnirlərin qalibi olmaq istəyən futbolçu və ailəsi futbol klubu almağı düşünür. Bu barədə jurnalist Qustavo Hofman sosial şəbəkələrdə məlumat yayıb. 24 yaşlı futbolçunun maraqlandığı klubun adı açıqlanmır. Sadəcə, qeyd olunur ki, bu, Portuqaliyanın 2-ci divizionunda çıxış edən klubdu.

Yeri gəlmişkən, Vinisius bu mövsüm bütün turnirlərdə 23 oyun keçirib, 13 qol vurub və 9 məhsuldar ötürmə edib. Onun “Real”la müqaviləsinin müddəti 2027-ci ilin yayına qədər nəzərdə tutulub.