Vnisius Juniorun bir neçə aydan sonra “Real”ı tərk etmək ehtimalı qalır.

İspaniya mətbuatının məlumatına görə, paytaxt klubu yayda braziliyalı futbolçunun satışından rekord məbləğdə gəlir əldə edəcək. Bir neçə gün əvvəl 24 yaşlı hücumçunun karyerasını Səudiyyə Ərəbistanında davam etdirmək istədiyi haqda xəbər yayılmışdı. “Əl-Hilal” onu heyətinə qatmağa hazırlaşır.

Qeyd edək ki, Vinisiusun “Real”la müqaviləsində 1 milyard avroluq sərbəst qalma bəndi nəzərdə tutulub və “Əl-Hilal” rəhbərliyi bu pulu ödəməyə hazırdı. Tərəflər razılığa gələcəyi halda Junior futbol tarixinə ən bahalı oyunçu kimi düşəcək.

Vinisius bu mövsüm bütün turnirlərdə 18 oyun keçirib, 12 qol vurub və 8 məhsuldar ötürmə edib. Onun klubu ilə müqaviləsinin müddəti 2027-ci ilin yayına qədər nəzərdə tutulub.