“Hər bir braziliyalı oyunçunun arzusudu” – həmvətəni Juninyonun seçimindən danışdı
Bu həftənin ən “böyük” xəbəri Juninyonun Braziliyaya yollanması oldu. Fasilədən öncə “Sevilya”ya keçidi yaxın görünən futbolçu “sağ göstərib sol vurdu” desək, yanılmarıq. Axı vətənindən yaxşı təklif alaraq İspaniya təmsilçisinə “yox” deyən məhz Juninyo özü oldu.
Maraqlıdı, “Flamenqo”nun hansı özəlliyi Juninyonun “Sevilya” xəyalının üstündən xətt çəkdi?
“Kəpəz”in braziliyalı futbolçusu Luis Paçu həmvətəninin transferi ilə bağlı “Football-plus.az”ın sualına belə cavab verdi:
“Bu, çox yaxşı seçim idi, hər bir braziliyalı oyunçunun arzusudu. O, dünyanın ən böyük klublarından birində oynayacaq. “Flamenqo” milyonlarla azarkeşi olan çox böyük klubdu. Düzdü, tələblər də çoxdu, amma Juninyo hazırdı. Çoxlu qollar vuracağına əminəm. “Sevilya” da böyük klubdu, “Flamenqo” da. Digərini də seçsəydi, onun üçün çox yaxşı olardı. Ona uğurlar arzulayıram”.
RÖYANƏ OĞUZ
Digər xəbərlər
