“Flamenqo” da Braziliyanın “Real”ıdı” – Juninyoya haqq qazandırdı
Juninyonun “Sevilya”nın təklifinə “yox” dediyini xəbər vermişdik. O, karyerasını vətənində - “Flamenqo”da davam etdirməyi düşünür.
“Flamenqo” “Sevilya”dan üçqat artıq maaş təklif edən kimi hücumçu Braziliya klubuna yönəltdi. Bəs burda əsas amil puldu? Braziliyalı futbolçuların problemi nədi? Dünənə qədər Çempionlar Liqasının qrupunda oynamaq arzusunda olan Juninyo niyə fikrini dəyişdi? Bu sualları tanınmış menecer Erkin İbrahimova ünvanladıq:
“Futbolçu özü daha yaxşı bilir. Biz ondan yaxşı bilmərik. “Flamenqo” da böyük klubdu, “Sevilya” qədər olmasa da. Juninyo Braziliyada yetişib. “Flamenqo” da Braziliyanın “Real”ıdı. Mən təbii yanaşıram. Bəlkə də bilir ki, “Sevilya”da az oynayacaq. Çətindi kiminsə seçiminə qarışmaq. Futbolçu haranı istəyirsə, ora da getsin”.
ƏSƏD SEYİDOV
