“Güman ki, “Qarabağ”, sadəcə, sənəd üzərində olan məbləği yox, həm də mümkün transferin imic, nüfuz və s. kimi qazanclarını nəzərə alır. Bu keçid baş tutarsa, Azərbaycandan birbaşa “böyük beşlik” ölkəsinə ilk keçid olacaq. Daha sonra müqavilədə göstərilən məbləğlə yanaşı, məbləğin ödəniş qrafiki də əhəmiyyət daşıyır. Müqavilə üzrə bonus ödənişləri və oyunçunun gələcək satışından faiz məsələsi də ola bilər. Bildiyim qədəri ilə “Qarabağ” “Sevilya”ya Juninyonun transfer hüququnun 100 faizini satmır. Bir gün Juninyo “Sevilya”dan başqa kluba keçərsə, mümkün transfer məbləğinin 25-30 faizi “Qarabağ”a ödəniləcək… Nəhayət, Juninyonun istəyi də nəzərə alınmalıdı ki, o da “Sevilya”ya üstünlük verir”.