“Bəzi şeyləri ona başa sala bilmək üçün iki-üç dəfə demək lazımdı” – Kloze Mahir haqda
“Nürnberq”in futbolçusu Mahir Emrelinin fiziki və psixoloji durumuyla bağlı məsələlər baş məşqçisi Miroslav Klozeni narahat edir.
“Football-plus.az” xəbər verir ki, bu barədə “Bild” məlumat yayıb. Almaniyanın ünlü nəşri çalışdırıcının bu mövzuda fikirlərini öyrənib. Klozenin söylədikləri:
“Mahirlə əlaqə qurmaq asan məsələ deyil. Bəzi şeyləri ona başa sala bilmək üçün iki-üç dəfə demək lazımdı. Nümunə kimi onu deyə bilərəm ki, aut və künc zərbələrinin yerinə yetirilməsi zamanı yol verdiyi səhvlərə görə tez-tez ona tövsiyələr verməli oluram. Ümumiyyətlə, Mahirlə davamlı çalışıram”.
Baş məşqçinin futbolçusu Stefanos Tzimasla bağlı fikirləri isə müsbətdi:
“O, məni daha yaxşı başa düşür. Lakin indiki məqamda qane ola bilmərəm. Daha çoxunu etməliyik”.
Xatırladaq ki, “Nürnberq” tezliklə Tzimasla yolları ayırmaq niyyətindədi. Belədə Mahirin daha çox forma şansı qazanacağını güman etmək olar.
KƏNAN BAHADIR
Digər xəbərlər
