“Neftçi”nin yetirməsi 1-ci liqa klubunda – baş məşqçi təsdiqlədi
Son günlər transferlərlə gündəmə gələn “Qaradağ Lökbatan” bu dəfə də premyer-liqa təcrübəsi olan futbolçu ilə anlaşıb. Lökbatan təmsilçisi Bahadur Həziyevi heyətinə qatıb. Mövsümün ilk yarısını “İmişli”də keçirən 25 yaşlı yarımmüdafiəçi ilə çempionatın sonuna qədər müqavilə imzalanıb.
“Qaradağ Lökbatan”ın baş məşqçisi Amit Quluzadə “Football-plus.az”a açıqlamasında transfer barədə danışıb:
“Bahadur Həziyev bəyəndiyimiz futbolçulardandı. Yenicə transfer elədik. Mənim razılığımla komandaya dəvət olunub. Premyer-liqa təcrübəsi var. Düşünürəm ki, bizim üçün çox faydalı olacaq. Belə təcrübəli futbolçuya ehtiyacımız vardı. Ümidvaram ki, Bahadur “Qaradağ Lökbatan” üçün bacarığını ortaya qoyacaq”.
Qeyd edək ki, Bahadur Həziyev əvəllər “Səbail”də forma geyib. “Neftçi”nin yetirməsi ötən il əvvəlcə “Şamaxı”, ardından “İmişli” ilə müqavilə imzalayıb.
RÖYANƏ OĞUZ
