Premyer-liqanın bombardiri niyə 1-ci liqa klubuna keçdi?
Futbol üzrə ölkə çempionatının 2014/15 mövsümünün bombardiri olan Nurlan Novruzov bundan sonra 1-ci liqa klubunda forma geyəcək.
Mövsümün ilk yarısını 2-ci liqa təmsilçisi “Hypers Quba”da keçirən 31 yaşlı futbolçu “Qaradağ Lökbatan” ilə anlaşıb. Görəsən, bu keçid kimin təşəbbüsü ilə gerçəkləşib: klubun, yoxsa futbolçunun?
“Qaradağ Lökbatan”ın baş məşqçisi Amit Quluzadənin “Football-plus.az”a cavabı:
“Nurlanın transferini mən özüm istəmişəm. Ona ümidlərim böyükdü. Transferlər mənim istətimlə baş tutur. Yəni siyahını rəhbərliyə təqdim etmişəm, onlar da sağ olsun, komandaya dəvət ediblər, müqavilə imzalanıb. İnanıram ki, meydanda istədiyimizi verəcək. Mənim buna heç bir şübhəm yoxdu”.
Xatırladaq ki, Nurlan son illərdə başqa ölkələrdə - “Dersim 62”, “Şanlıurfa Bələdiyəspor” (hər ikisi Türkiyə), "Dinamo-Avto" (Moldova), "Narva-Trans" (Estoniya), "Lalitpur Siti", "Maxindra" (hər ikisi Nepal), "Yonava" (Litva) klublarında çıxış edib.
RÖYANƏ OĞUZ
Digər xəbərlər
