Günün ən aktual məsələsi “Qarabağ”ın hücumçusu Juninyonun “Sevilya”ya gözlənilən keçididi.

İndi hər kəsi düşündürən suallar var: “Sevilya” təklif etdiyi pulu 5 milyon avroya qaldırıb, yoxsa qaldırmayıb? Juninyo “Qarabağ”ın yanvarın 3-də başlayacaq toplanışına qatırlıbmı, onun Bakıya səfər bileti alınıbmı? Braziliyalının taleyinə nə vaxt aydınlıq gələcək? Onun “Qarabağ”ı meydana çıxmayacağı ilə bağlı təhdid etməsi nə dərəcədə ciddidi?

“Futbol+”ə daxil olan məlumata görə, indi hansısa təhdidi ciddiyə almağa dəyməz. “Qarabağ”ın satmaq qərarı var, amma məbləğə bağlı məsələdi. “Sevilya” da hələ ki “Qarabağ”ın istədiyi məbləğə razılıq verməyib. Danışıqlar davam edir, amma ilin dəyişməsi ilə bağlı müəyyən ləngimələr var.

Danışıqlarda ləngimələr olur. Juninyonun “Sevilya”ya keçmək ehtimalı hələ də qalır. İndi bu, daha çox “Sevilya”dan asılı olan məsələdi. Təklifi 5 milyona çatdıracaqlarsa, keçid reallaşacaq. Futbolçu üçün bilet, adətən, futbolçu vətəninə getməmiş alırlar. Qarşıdakı 24 saat ərzində hansısa dəyişiklik olmasa, Juninyo yanvarın 3-də “Qarabağ”ın düşərgəsində olmalıdı.

Tutaq ki, bir qərar verildi, yəni Juninyo tibbi müayinə üçün İspaniyaya uçmalı oldu, belə bir şey olmasa, gələcək və burda məşqlərə qatılacaq. “Sevilya” – “Qarabağ” danışıqlarında gərginlik yoxdu.

ƏSƏD SEYİDOV