Juninyo “Qarabağ”da qalmaq istəmir – ispanlar Qurban Qurbanovun etirafından yazdı
İspaniya La Liqasında çıxış edən “Sevilya”nın “Qarabağ”ın futbolçusu Juninyoya rəsmi təklif göndərdiyi bəllidi.
Xatırladaq ki, keçid prosesində durğunluq yaşanır. Düzdü, bu yöndə iddialar çoxdu. Lakin reallıq fərqlidi. Klubun ilk təklifini qəbul etməyən “köhlən atlar” qarşı tərəfdən yenilənmiş və daha yaxşı şərtlər gözləyir.
“Football-plus.az” xəbər verir ki, mövzu İspaniyanın tanınmış “Marca” nəşrinin də diqqət mərkəzindədi. Qəzet hadisələrin axarını belə şərh edib:
“Sevilya” hücum xəttini gücləndirmək üçün Juninyonu hədəfə alıb. İş orasındadı ki, futbolçunun məxsus olduğu klub, yəni “Qarabağ” ispanların təklifini qəbul etmir. Azərbaycanlılar “Sevilya”dan 5 milyon avro istəyir. Lakin bu klubun qarşılaya biləcəyi məbləğ deyil. Görünür, “Qarabağ” Juninyo kimi futbolçunu asanlıqla itirmək istəmir. Bu barədə konkret məlumat sahibi olmaq üçün klubun direktoru Əmrah Çəlikəli dinləyək: “Juninyonun satılması mümkün deyil. Hər ehtimala qarşı qış fasiləsini gözləyək”.
Lakin braziliyalı oyunçunun yolu “Sevilya”ya doğrudu. Çünki futbolçu özü “Qarabağ”da qalmaq istəmir. Bunu həm Qurban Qurbanov etiraf edir, həm də oyunçunun son vaxtlar sərgilədiyi davranış... Baş məşqçisi onun gecələr yata bilmədiyini deyir. İndi nəinki “Qarabağ”, futbolla maraqlanan bütün azərbaycanlılar düşünür ki, Juninyonun “Sevilya”ya gəlməsinə mane olmaq mümkün deyil. Belə şəraitdə futbolçunu komandada saxlamaq isə “Qarabağ” üçün doğru addım olmayacaq”.
Lakin braziliyalı oyunçunun yolu “Sevilya”ya doğrudu. Çünki futbolçu özü “Qarabağ”da qalmaq istəmir. Bunu həm Qurban Qurbanov etiraf edir, həm də oyunçunun son vaxtlar sərgilədiyi davranış... Baş məşqçisi onun gecələr yata bilmədiyini deyir. İndi nəinki “Qarabağ”, futbolla maraqlanan bütün azərbaycanlılar düşünür ki, Juninyonun “Sevilya”ya gəlməsinə mane olmaq mümkün deyil. Belə şəraitdə futbolçunu komandada saxlamaq isə “Qarabağ” üçün doğru addım olmayacaq”.
KƏNAN BAHADIR
