“Rusiyanın premyer-liqa klubları da Juninyo uğrunda mübarizəyə qoşulacaq” – 5-8 milyon avro?!
“Qarabağ”ın hücumçusu Olavio Juninyonun “Sevilya”dan təklif aldığını yazmışıq.
Xatırladaq ki, La Liqa təmsilçisi braziliyalı futbolçu üçün 2 milyon avro ödəməyə hazırdı. O başqa məsələ ki, danışıqların növbəti mərhələsində məbləğin artırılması mümkündü. Onsuz da ağdamlılar ulduzunun satışından daha böyük məbləğ qazanmaq niyyətindədi.
Bəs Juninyo 2 milyon avrodan daha baha qiymətə transfer edilə bilərmi? Futbolçunun keçidi “Qarabağ” üçün nə vəd edir?
Bu sualları menecer Emin Şükürova ünvanladıq. Onun “Football-plus.az”a cavabı:
“Sevilya”nın Juninyoya maraq göstərməsi yaxşı xəbərdİ. Amma bu futbolçu 2 milyon avroluq deyil. Statististikası bir yana, hücumçu kimi bitirici keyfiyyətləri çox yüksəkdi. “Böyük beşlik” klubları Juninyo üçün 5-8 milyon avro ödəməyə hazır olmalıdı. Bu, futbolçuya verilə biləcək ən düzgün dəyər olar. Juninyo karyerasının zirvəsindədi. “Qarabağ” onu aşağı liqadan götürərək Avropanın danışdığı hücumçulardan biri edib. Düşünürəm ki, Rusiyanın premyer-liqa klubları da Juninyo uğrunda mübarizəyə qoşulacaq. Belədə onun əsl qiyməti müzakirə predmetinə çevriləcək”.
KƏNAN BAHADIR
Digər xəbərlər
