Türkiyə çempionatında fasilə başa çatır. Şənbə günü 18-ci tur çərçivəsində lider ''Qalatasaray'' 4-cü pillədə qərarlaşan ''Göztəpə''ni qəbul edəcək.

''Football-plus.az'' xəbər verir ki, ən yaxın rəqibindən 8 xal öndə olan, inamla turnir cədvəlinə başçılıq edən və 2024-cü ildə çempionat çərçivəsində yalnız bir oyunda məğlub olan ''Cim-Bom'' yeni ilə qələbəylə başlamağa çalışacaq.

Bu mövsüm həm ''Fənərbaxça''dan (2:2), həm də ''Beşiktaş''dan (4:2) xallar qoparmağı bacaran ''Göztəpə'' İstanbulun daha bir təmsilçisini büdrətməyə çalışacaq. İzmir təmsilçisi qalib gələcəyi təqdirdə isə 52 ildən sonra bir ilkə imza atacaq. Belə ki, ''Göztəpə'' ''Qalatasaray''ı sonuncu dəfə səfərdə 1972/73 mövsümündə məğlub edib (1:0)!

Bu komanda güclü rəqibindən səfərdə xal almağı isə sonuncu dəfə 1979/80 mövsümündə bacarıb (1:1). ''Göztəpə'' həmin tarixdən bu yana çempionat çərçivəsində ''Qalatasaray''a qarşı İstanbulda keçirdiyi 9 oyunun hamısından məğlubiyyətlə ayrılıb! Onu da bildirək ki, Stonimir Stoylovun komandası bu mövsüm yeganə səfər qələbəsini ''Beşiktaş''la oyunda qazanıb.

ƏLİ