''Fənər''in rəqibini meydana idman direktoru çıxaracaq!
Bazar günü superliqanın 18-ci turunda ''Hatayspor'' ''Fənərbaxça''nın qonağı olacaq.
''Football-plus.az'' xəbər verir ki, çox çətin dönəmdən keçən, düşmə zonasında qərarlaşan, üstəlik bu yaxınlarda transfer cəzası alan ''Hatayspor''un bu oyuna kimin başçılığı altında çıxacağı məlum olub.
Qeyd edək ki, son turda evdə ''Adana Dəmirspor''a məğlubiyyətin ardından baş məşqçi Rza Çalımbay köməkçiləri ilə birlikdə istefaya göndərilmişdi. Bundan 1 gün sonra prezident Levent Mıstıkoğlu da istefa vermişdi. Komanda o vaxtdan bu yana hələ də yeni bir məşqçi ilə anlaşmayıb.
Bu arada dekabrın 16-da idman direktoru vəzifəsinə gətirilən Yılmaz Bal komandanın ''Fənərbaxça'' ilə oyuna onun başçılığı altında çıxacağını bildirib! 53 yaşlı Bal əvvəllər ''Ankaragücü'', ''Ərciyəspor'', ''Bandırmaspor'', ''Adana Dəmirspor'', ''Bursaspor'', ''Əskişəhərspor''da qapıçılar üzrə məşqçi kimi işləyib. O, futbol oynadığı illərdə də qapıçı olub. Bal 2018-dən etibarən idman direktoru kimi çalışmağa başlayıb. Bu vəzifədə ''Çaykur Rizəspor'', ''Manisa'', ''Ankaragücü''də işlədikdən sonra ötən ay ''Hatayspor''a gəlib.
Bal mətbuata açıqlamasında bunları deyib:
''Həm ''Fənərbaxça''ya, həm də sonrakı tur ''Çaykur Rizəspor''a qarşı oyunda baş məşqçi mən olacam. Cəzalı və zədəli oyunçularımız var. 5 futbolçunun xidmətindən faydalana bilməyəcəyik. Buna baxmayaraq əlimizdən gələni edəcəyik''.
ƏLİ
Digər xəbərlər
