Türkiyə çempionatından istefa xəbərləri gəlməkdə davam edir.

10 gün öncə Bülənt Uyğun ''Sivasspor''dan ayrılmışdısa, bu dəfə ''Hatayspor''da Rza Çalımbay dönəmi başa çatıb. Klubdan verilən açıqlamada qeyd olunub ki, təcrübəli mütəxəssis ilə müqavilə qarşılıqlı razılıq əsasında ləğv edilib. Çalımbay Türkiyə çempionatı tarixində ən çox oyun keçirən məşqçi statusundadı.

''Hatayspor'' son olaraq evdə aşkar autsayder ''Adana Dəmirspor''a 1:3 məğlub olmuş və həmin qarşılaşmada fanatlar Çalımbayı istefaya səsləmişdi. 61 yaşlı mütəxəssis bu vəzifəyə cari mövsümün 5-ci turunda gətirilmişdi. Onun dönəmi gözləniləndən zəif alındı və ''Hatayspor'' bu müddətdə superliqada keçirdiyi 12 oyundan yalnız 1 qələbə, 5 heç-heçə, 6 məğlubiyyətlə ayrıldı.

Onu da bildirək ki, Hatay təmsilçisi yeni ildən sonraya təsadüf edəcək ilk oyunda ''Fənərbaxça''nın qonağı olacaq.

ƏLİ