Maddi sıxıntılar içində çox bərbad bir mövsüm keçirən və superliqanı tərk etməyə əsas namizəd sayılan ''Adana Dəmirspor''dan yenə məşqçi xəbəri var.

Adana təmsilçisi mövsümə Maykl Valkanis ilə başlamış, daha sonra onun istefaya göndərilməsi ilə müvəqqəti olaraq Sərkan Damla baş məşqçi vəzifəsinə gətirilmişdi. Amma Sərkan Damla da istefa verdiyini və klubdan ayrıldığını açıqlayıb.

Türkiyə mətbuatınının yazdığına inansaq, rəhbərlik indi də Mustafa Dalcı ilə anlaşıb. Yəni mövsümün heç ilk dövrəsi də tamamlanmadan ''Adana Dəmirspor'' 3-cü məşqçi ilə anlaşmalı olub. Bu komanda 12 oyundan 2 heç-heçə, 10 məğlubiyyətlə ayrılaraq sonuncu pillədən möhkəm yapışıb.

Ən son 1-ci liqa təmsilçisi ''Manisa''nı çalışdıran Dalcı 2023-cü ildə ''Ankaragücü''nü elitaya yüksəltməsi ilə diqqət çəkmişdi.

ƏLİ