“Şamaxı” hələ də 1-ci liqada çempionluğa görə vəd olunan mükafatı futbolçulara ödəməyib.

“Football-plus.az” xəbər verir ki, klub rəhbərliyi günü günə satmaqla məşğuldu.

Hər dəfə növbəti ayı nişan verən rəsmi şəxslər bu dəfə də pulun yanvarda və ya fevralda ödəniləcəyini deyib. Əvvəl söz verilən tarixlər isə təbii ki, müvafiq olaraq sentyabrdan bu yana keçən aylar olub.

Hətta sonuncu danışıqda Yeni il bayramından öncə pulun ödəniləcəyi deyilsə də, tarix yenə ertələnib. Klub rəhbərliyi durumdan şikayətçi olan şəxslərdən bu dəfə UEFA-nın klublara ayırdığı məbləğin ödəniləcəyi günə qədər gözləməyi xahiş edib.

KƏNAN BAHADIR