''Qalatasaray'' qış dönəmində həm heyəti gücləndirmək, həm də özünə lazım olmayan futbolçularla vidalaşmaq niyyətindədi.

''Football-plus.az'' xəbər verir ki, Okan Burukun planlarına daxil olmayan futbolçuların başında Hakim Ziyeş gəlir. Buruk zatən bu yaxınlarda verdiyi açıqlamada təcrübəli mərakeşli futbolçunun ayrılacağını bildirmişdi.

Məlum olub ki, İstanbul nəhəngi bu futbolçudan qurtulmaq üçün, belə desək, üstündə pul da verməyə hazırdı. Ziyeşin ikinci dövrə üçün maaşı 1,425 milyon avrodu. Onun anlaşacağı klub bu məbləğin hamısını ödəmək istəməsə, aradakı fərqi ''Qalatasaray'' özü qarşılayacaq! Ziyeşə xüsusilə Niderland və İspaniya klublarının böyük marağı var. Onun qarşıdakı günlərdə bu təkliflərdən birini dəyərləndirəcəyi gözlənilir.

31 yaşlı vinger bu mövsüm 11 rəsmi oyunda iştirak edərək aktivinə yalnız 1 məhsuldar ötürmə yaza bilib. Ziyeş xüsusilə ''Bodrum'' ilə oyunda topu boş qapıya göndərə bilmədiyi epizoddan sonra tənqid atəşinə tutulmuşdu.

ƏLİ