“Azərbaycan futbolunun əsl Şaxta Babası heç də məşqçilər, oyunçular və ya funksionerlər deyil, məhz azarkeşlərdi. Azarkeşlər futbolu sevən, komandaları ruhlandıran və stadionlara həyat verən əsas gücdü. Əsl sevinc və ümidin mənbəyi elə biz azarkeşlərik. Şaxta Baba hər yerdə olduğu kimi, azarkeşlər də komandalarını qarlı havada, uzaq səfərlərdə, olmayan qələbələrdə və ağır məğlubiyyətlərdə belə tək buraxmır. Azərbaycan futbolunun gələcəyini dəstəkləyən azarkeşlər olaraq öz sevgimizi yeni nəsillərə ötürərək, futbol mədəniyyətini yaşatmağa çalışırıq. Çünki nəticə verməyən belə milli komandanı başqa cür heç kim qarşılıqsız dəstəkləməzdi. Gənc azarkeşlər üçün nümunə olmaqla yanaşı, futbola marağı artırmağa, stadionları milli komandanın oyununda doldurmağa çalışırıq”.

“Azərbaycan futbol azarkeşi olaraq, ən böyük arzumuz millimizi daha yaxşı yerlərdə görməkdi. Vaqif Cavadovu Şaxta Babaya bənzədərdim. Vaqif Cavadovun premyer-liqada ilk baş məşqçiliyi “Sumqayıt”da olub. Vaqif Cavadov bizə bol qələbələr hədiyyə etsin. Sumqayıt əhalisi olaraq, onun yanındayıq. Digər arzumuz isə 2025-ci ildə “Sumqayıt”ı yüksək yerlərdə görməkdi”.

“Bu sualı cavablamasam, daha gözəl olar”.