“Məncə, futbolçuların heç biri bu haqda fikir bildirməsə, yaxşıdı” – Mahir yığmadan danışdı
“Düşünürəm ki, bir futbolçu kimi Fernando Santuşun fəaliyyəti barədə fikir bildirməyim yersiz olar. Məncə, futbolçuların heç biri bu barədə fikir bildirməsə, yaxşıdı. AFFA və rəhbərlik daha doğru qərar verə bilər. Biz olduğumuz vəziyyəti dəyişməyi düşünməliyik. Doğru nədisə, milli üçün xeyirli olan nədisə, onu etməyə çalışırıq”.
Bu sözləri “Football-plus.az”a açıqlamasında Mahir Emreli bu il millimizin uğursuz çıxışı barədə danışarkən deyib. 27 yaşlı futbolçu D liqasından qurtulmaq üçün daha çox çalışmaq lazım olduğunu qeyd edib.
Almaniyada çıxış edən oyunçu püşkatmadan da söz açıb:
“Püşkatma barədə çox fikir söyləməyim düzgün deyil. Rəqiblərimizin heç biri zəif, yaxud orta da deyil. Hamısı yüksək səviyyəli millilərdi. Özlərindənn söz etdirmiş komandalardı. Sadəcə, əlimizdən gələni edib yaxşı mübarizə aparmalı, fikrimizi milliyə tam doğru şəkildə yönəldə bilməliyik. Hazırlaşmaq üçün vaxtımız olacaq. Ümid edirəm ki, bu zaman ərzində doğru hazırlaşıb, rəqibləri təhlil edib, yaxşı oyun göstərəcəyik”,
Xatırladaq ki, millimiz DÇ-2026-nın seçmə mərhələsində 4 komandalı qrupa düşüb. Rəqiblərimiz Fransa - Xorvatiya cütünün qalibi, Ukrayna və İslandiyadı.
RÖYANƏ OĞUZ
Digər xəbərlər
