Misli premyer-liqasında 6-cı turun oyunları davam edir.
"Sumqayıt" "Sabah"la heç-heçə edib - 1:1. Oyundan sonra meydan sahiblərinin baş məşqçisi Aleksey Baqanın mətbuat konfransı keçirilib. Sizi belaruslu mütəxəssisin fikirləri ilə tanış edirik:
"Nəhayət ki, ilk qolumuzu vura bildik. Qolu tez vurmağımız bizə yaxşı təsir etmədi. Sonra rəqib oyunu bərabərləşdirdi. Bundan sonra qol vura bilmədik".
- Komandanın dirçələcəyinə inamınız var?
- Başa düşüləndi. İndi müsbət məqamlar azdı. Çalışacağıq ki, bu vəziyyəti düzəldəcək. Hamı bir olub, çalışmalıdı. Daha yaxşı oynamalıyıq.
- "Qara zolaq"dan çıxa bilmirsiz. Nə vaxta qədər bu postda qalmağı düşünürsüz?
- Qərarı rəhbərlik verir. İndi nəsə deyə bilmərəm. Yenilik olsa, xəbəriniz olacaq.
- "Sumqayıt" əvvəlki mövsümlərdə daha yaxşı çıxış edib. Legionerlərin səviyyəsi aşağıdı. Belə bir iddia var ki, əcnəbiləri siz yox, rəhbərlik seçib. Bu məsələyə nöqtə qoya bilərsiz?
- Şayiələr haqda nəsə deməyim doğru deyil. Komandaya kim gəlibsə, onlarla işləmək məcburiyyətindəyəm. İşim komandanı hazırlamaqdı. Şayiələr haqda fikir bildirməyim düzgün deyil. Legionerləri tək baş məşqçi seçmir. Skautlar, rəhbərlik, məşqçilər birlikdə qərar verir. Kim heyətə cəlb olunubsa, mənim fikrim öyrənilib.
- Bu gün 100 faizlik imkanlarınızdan yararlana bilmədiz. Bu, nə ilə bağlıdı?
- Bunu sadəcə şansa bağlamaq olmaz. Peşəkar komandayıq. 5 tur qol vura bilmədik. Kompleks səbəblər var. Sadəcə bəxtsizliyə bağlamaq düz olmaz.
- İndiyə qədər çalışdığınız klublarda belə halla üzləşmisiz? Olubsa, vəziyyətdən necə çıxmısız?
- İlk dəfədi belə halla rastlaşıram. Çalışacağıq ki, bu durumdan çıxaq.